parched_child marriage

ജൈസല്‍മേറില്‍ നിന്ന്‍ ജോധ്പൂരിലേയ്ക്ക് പോകവേ ബസ്സില്‍ വെച്ചാണ് ഞങ്ങള്‍ അതുവരെ സിനിമയില്‍ മാത്രം കണ്ടിട്ടുള്ള ആ അപൂര്‍വ്വ കാഴ്ച കണ്ടത്. 15 വയസ്സില്‍ കൂടുതല്‍ പ്രായം തോന്നിക്കാത്ത ഒരു പയ്യന്‍, 12 വയസ്സ് തോന്നിക്കുന്ന ഒരു പെണ്‍കുട്ടി. രണ്ടു പേരും കിരീടം പോലെ എന്തോ അണിഞ്ഞിട്ടുണ്ട്. പല വര്‍ണ്ണങ്ങളില്‍ ഉള്ള ഷോളും ധരിച്ചിരിക്കുന്നു. പോരാത്തതിന് തിളങ്ങുന്ന കുപ്പായവും. എന്റെ സുഹൃത്ത് മിഥുനാണ് “ഇതതല്ലേ” എന്ന സംശയഭാവത്തില്‍ എന്നെ നോക്കിയത്. ആദ്യം വിശ്വസിക്കാന്‍ പ്രയാസപ്പെട്ടെങ്കിലും “ഇതത്” തന്നെ എന്ന്‍ വൈകാതെ ഞങ്ങള്‍ക്ക് മനസ്സിലായി.
“പാര്‍ച്ഡ്” കണ്ട പരിജ്ഞാനം വെച്ച് രാജസ്ഥാനില്‍ ഇതൊന്നും അത്ര അപൂര്‍വ്വമാവില്ല എന്നും ഊഹിച്ചു. ക്യാമറയില്‍ പകര്‍ത്താന്‍ പറ്റിയ നിമിഷമായിരുന്നെങ്കിലും തല്ല് കിട്ടുമെന്ന് കരുതി മാത്രം അതിനു മുതിര്‍ന്നില്ല.

(2017ന്റെ ഒടുക്കം നടത്തിയ രാജസ്ഥാന്‍ യാത്രയില്‍ നിന്ന്‍)

Picture Courtesy: “Parched” by Leena Yadav

Advertisements